CELEBRAMOS OS 100 ANOS DAS IRMANDADES DA FALA

O vindeiro sábado 11 de Xuño estaremos na praza da Constitución de Vilalba para celebrar os 100 anos das Irmandades da Fala. Haberá unha exposición itinerante que leva percorrendo as principais localidades onde tiveron actividade as Irmandades da Fala.

Teremos ademáis do repertorio habitual, poemas musicados de Manuel María e Xosé María Díaz Castro!

1916-2016
CENTENARIO DAS IRMANDADES DA FALA
O BUS DAS IRMANDADES EN VILALBA
SÁBADO, 11 DE XUÑO DE 2016
de 10:00 a 20:00
NA PRAZA DA CONSTITUCIÓN 

O Instituto de Estudos Chairegos (Iescha) informa que o vindeiro SÁBADO, 11 de xuño, estará todo o día en Vilalba O BUS DAS IRMANDADES DA FALA (iFala), co gallo do Centenario da fundación da primeira Irmandade da Fala.
Este autobús, de dous niveis, recorrerá todas as cidades e vilas de Galicia nas que existiron Irmandades da Fala, grazas a unha iniciativa de Ora Galega e da Área de Cultura da Deputación de A Coruña, na que colaborou a Mesa pola Normalización Lingüística.
Neste autobús poderá visitarse una exposición conmemorativa das Irmandades, asi como acceder mediante as novas tecnoloxías a diferentes actividades: unha aplicación móvil, unha páxina web… e poderá escoitarse unha canción interpretada en clave colectiva por Isabel Risco, Sés, Poetarras, de Vacas, Leo e David Amor, entre outras persoas.
En Vilalba, onde se constituíu en novembro de 1916 a 5ª Irmandade da Fala (a 1ª, seis meses antes, en A Coruña), o BUS estará situado ao pé do templete da Praza da Constitución e poderá visitarse, de balde, de 10:00 a 14:00 horas e de 17:00 a 20:00 horas. Contará coa achega e a colaboración do noso INSTITUTO DE ESTUDOS GALEGOS (IESCHA), que organizará ao longo dese día as seguintes actividades:

POLA MAÑÁ
De 11:00 a 11:30.- Actuación de BUXOS VERDES.
De 11:30 a 12:00.- Lectura continuada de poemas e outros escritos de varios “irmáns da fala” (Parte 1ª), á que están convidadas todas as persoas que queiran facelo.
De 12:00 a 12:30.- Actuación de BUXOS VERDES
De 12:30 a 13:00.- Lectura continuada de poemas e outros escritos de varios “irmáns da fala” (Parte 2ª), á que se convida á todas as persoas que desexen participar.
De 13:00 a 14:00.- Actuación do grupo vilalbés IRMANDADES DO FALO

POLA TARDE:
De 18:00 a 19:00.- PASEO DAS IRMANDADES, visitando as casas nas que viviron:
- Lois Peña Novo, cofundador da Irmandade da Fala de Vilalba.
- Manuel Mato Vizoso.
- Carmiña Prieto Rouco
- Antón García Hermida, cofundador da Irmandade da Fala de Vilalba.